قصيدة عن يونس وهوار

ومن كد ما تلعب ولعبك احسن بيه

اضوكن بملعبك ماهيس ملوحه

كلبي اباب غيرتك علكته سنين

ومن خيوط حبك صار مرجوحه

تسعدني براسك ادري بس ارتاح

يامجروح مثلك يبوس بجروحه

كبل لاجنت اعرفك الطوبه ماتنشاف

هسه من الأفراح دموعي مفضوحه

صح انته جبل لاتنسه عراقك اسفوح

وتره عمر الجبل مافارك سفوحه

اموت من اليكسرك لو شقه ايشاقيك

وطولك بس للعراق وغيري ميلوحه

اغار ومو بديه من مشعجينك من الناس

علي بس والي النظرات مسموحه

تمر هموم بينه ونختنك مرات

بس بكول منك كلهه ممسوحه!!!!


الى هوار ملا محمد


مدري اشكد حلو وسبحان من سواك


براءة ابن الشمال وطيبة ولايه


اذا اسمع الكول منك يكولون


اكوم ابلا عقل وشبكهه الحجايه


خيعونه اليشوفك ونته لاعب شوك


اجر ينعد اله كل مايمر بايه


اذا شوفك تراوغ بيه احس النار


وعل الاسترالي اديك وجه المرايه


لاعوب انته جنت وبالي صار اسنين


صح جانت وسيله تحولت غايه


راح اعتني للعين مشايه مثل الناس


وماجيبن ورد وعتذر عن هايه


لاانك مو طبيعي ومثل نجم الليل


اجيب انه بيليه وماردونا مشايه


امس يم تايلند واكف ردت تشرب ماي


شال جروفه دجله وشربك مايه


مدري اشكد احبك انه احبك حيل


وقليل ابهاي احس لو احبك هوايه


صار الكلب ثايه والك بس مسموح


شوف ابيامكان وثبت الرايه


ومحبتي الى جميع افرد منتخبنا الوطني