اسعى للمجد

Ali Next‎
آسعى لمجدك بالحروف الجزيله // واشد لعيونك رحال القوآآفي

لبيه لعيونك وفي كل ليله // ياعل مايبعدك عني خلافي

مؤمن وقلبي فالمشاعر دليله // واتعب على قولة نعم يالسنافي

وارقى النوايف والرجوم الطويله // ولاضاع تعبي قلت يالله عوافي

ولاصرتي غاااياتي تهون الوسيله // مجناي روحك يوم حان القطافي

ماخاب من رب الاوادم وكيله // ولاباح سدن بين الاضلاع خاااافي

من عادتي صعب الحمول ارتكيله // ولايجي فيني خلل وانعطافي

ون شفت وقتي والليالي بخيله // ياصاحبي ماهي نهاية مطافي

الهم يشتالك اذا ما تشيله // وماتبتسم لك وانت تحت اللحافي

يوم الردي متهنين في مقيله // انا سهير العين والخبث غافي

عزي لمن هدت لياليه حيله // وفي نفسه لجور المقدر مرآآفي

يجمع ورا حدب الضلوع النحيله // ماتعجز بطبه جميع المشافي

مـاتـجــود الـعـاطـفـه غــيــر بـدمـوعــي
ويــش اســوي فــي متـاهـات الـدمــوع
خايف انجيت وتبين لك خضوعي
رحـــت عـنــي وانـــت يـاخـلـي قـطــوع
اوعدك حبك ونبضك فـي ضلوعـي
لادخــــل والله مـايــعــررررف طــلـــوع
سد يابن الناس من غيبتك جوعي
واعــزم اشـواقـي عـلـى حـفـلـة رجـــوع