قصيده للشاعر عبد الحسين الحلفي بعنوان ( احبك )

احبك مو لان انته حلو لا
لان روحي التقت كبلي بيك
اذا انت تمر على الاعمى يصيح الله
والاخرس لون حاجيته يحاجيك
اجرحني ولك بس كون عل كيف
لان انته ويا دمي وخاف ابديك
اجرحني ولك بس كون ما موت
حتى من يتهمونك ابريك
عل مرايه اوكفت ما شفت وجهي
شفت وجهك طلعلي وكمت احاجيك
وثبت بمرايتي وجهك مرايات
وتباوع وجهه مرايتي بيك
بكذلتك شد ركبتي وطلع الروح
اريدنها بعد تتقرب عليك
انت كبال عيني بس اعتبرك بعيد
اريدن هيج كون انخبط بيك
بيا شارع اطبه كبالي الكاج
واروح لغير شارع حتى الاكيك
واطب للبيت كبلي الكاك عل باب
وتطب كبلي وتكلي جنت اتانيك
بغيرك فكرت كلت حتى انساك
طلع غيرك يشبهك فكرت بيك
......................................
وسلامتكم....
ياسين السفير....

روعه الشعر تسلم يدك أخي ياسين السفير
(رحمه الله شاعرنه عبدالحسين الحلفي)

تسلم وبارك الله بيك كلام جميل تسلم اخي