رسائل (ابوذيات)

أبوذيــــــــات

اريد أكصد درب ولفي وصوبه.
وأريد أرمي بسهم كلبه وصوبه.
إجاني إلشته بلا چوله وصوبه.
أرجف للصبح وأفرك بديه
ــــــــــــــــــــــــــــــــــــــ
ياربي لونخاك البشرعينه
سوده وماتحب الكحل عينه
رفع طرف العبايه وشفت عينه
شفت ميزان
بس احنه المصايب صاحبنه
لأن كلساعه نفقد صاحب النه
ابنه المات محد صاح ابنه
اخاف انصيح ويعدمون اخيه
ــــــــــــــــــــــــــــــــــــــ
تدري اشكد الك كلبي ولعظام
صغار اجروحي يهونك ولعظام
اموت واندفن واعتكـ ولعظام
يزحفلك زحف لوصح اليه
ــــــــــــــــــــــــــــــــــــــ
مدري العيب عندك مدري عدي
مدري غلط عدك مدري عدي
مدري اوكف واطالب مدري اعدي
واكولن ينصلح ويرد اليه
ــــــــــــــــــــــــــــــــــــــ
السعاده منين اجيبنهه والفراح
وعلى الخوان راح افقد الافراح
الف عدمو والف سجنو والف راح
واتاني ومارجع واحد عليه
ــــــــــــــــــــــــــــــــــــــ
ناري عليك من لهفاك تبرد
بعد كل الحجيته وياك تبي رد
شوكت ماجيك بالسكين تبرد
دهاك اذبحني هوه شضال بيه
ــــــــــــــــــــــــــــــــــــــ
بصبه عمري النوايب عجزني
طحت وسنين عمري عجزني
لاتنشد يصاحب عل جزني
انه من البقن خايف عليه
ــــــــــــــــــــــــــــــــــــــ
الوم انه وعليه الروح لاميت
وانه بعدك عدل مدريت لاميت
علي ببعادك انته شكثر لميت
صرختي ودمعتي ورجفة اديه
ــــــــــــــــــــــــــــــــــــــ
الوم انه وعليه الروح لامت
ويروحي هالونين البيج لامت
لاني بهالدنيا عدل لاميت
مسودن والدهر يفتر عليه
ــــــــــــــــــــــــــــــــــــــ
قريت الفاتحه الحبك ولهواك
ودفنتة بالنجف عمري ولهواك
أنة ما اريد شباجك ولا هواك
دكمل الفضل وأقفلهن سوية
ــــــــــــــــــــــــــــــــــــــ
أعلل بالوصل روحي علني
وسوالفكم بدلالي علني
ليالي الجنت صاجرهن علني
وغدت عجلة مخالبهن علية
ــــــــــــــــــــــــــــــــــــــ
زماني بماي غفرانة لعلاك
عليه ولاعلى غيري لعلاك
تركتك تلعب بكيفك لعلك
ضميرك ينصدم وتعود اليه
ــــــــــــــــــــــــــــــــــــــ
جـدري ماغــله مـــيه ولافــــار
وما بقى بيتي لاجريذي ولافار
ولا انـا مكمل الخدمه ولا فــار
اركـض والعريف يـدك عـليــه
ــــــــــــــــــــــــــــــــــــــ
كثير بحسنك ولطفك وصفنه
وحبك يرادله كعده وصفنه
اتــرجـــى الــلــه تـــكـــون بــمـــد رسـتـنــا وصـــفـنــه
اذا تاخـذ صفــر اطـيـك مـيـه
ــــــــــــــــــــــــــــــــــــــ
انا العيني ا فـدوه لـعينك
واذا تخلص شحن بالدم لعينك
اشد اويا حـرب كلــمن لــعينك
ولك عقلي ويــه كلـبي انطي هــــــــــــديــــــــــــــــــــه
ــــــــــــــــــــــــــــــــــــــ
دخنت من التتن دنهل وسومر
وقلبي من هواكم زنجروسومر
احبكم من عهد بابل وسومر
ولك حتى حمورابي انكسر قلبه
عــــــــــــــلـــــــــــيـــــــــه