دارميات عراقيه

تبجي بغزاره.. نكول هنيال العيون *** وشلت دمع العين وصبحت مجنون



روحك لون تشتاك من كثر الفراك *** حظن بحظن وياه وتكلي مشتاك



موحش يبعد الروح گلبي التركته *** والدم صفه الونات والحسره دكته

بيه وكلت بالريش سهمك فلا هم *** لكن شكل للناس لا شافو الدم :! (52):

كل الوكت لو بيك أنظم قصيدي *** ما ظنتي أوفيك لو تعبت ايدي

اسمر واخاف عليك من مشية الكاع *** فوك الجمال البيك عيونك وساع

مثل الرمل مافاد ماي المطر بي *** كلبي الك عطشان بس انت تروي

عايز وامد الايد بس مو عايـــــز المال ** عايز محنه وشوك وهمومي تنشـــــال

مسودن وسولف بيك صرت بغيابك *** موجنت صافي البال منين الله جابك

دورت ما خليت لجروحي بلسم *** لاتنشد على الحال بس الله يعلم

كل السنون اعضام بس سنه ليلو*** جاكم وسيع العين عن دربه ميلو


دجله وفرات الروح والكلب ذي قار *** وعماره عيني اتصير والجسد انبار


بعدك انا بياحال سويلي جارة *** اشتعل واطفة رماد مثل الجكارة


كلبي اشتكالك ليش ترفض شكيته *** متيه وشافك صاح احا لكيته


من عمت عينه الكال بفراكك ارتاح *** ابجي ابسواد الليل حتى الرمش طاح


ترجف عليك اعضاي كل ساعه وتلوج *** ودموعي عالخدين روج بأثر روج


ريت الالم مو بيك ياريته بيه *** دونك لجر الموت بثنين اديه.

شوف شكثر مكروه التجفي دنياهه *** حته الصديق يكول عيب امشي وياهه.

اجمل صباح اليوم وبعمري بس هاي *** شلت الغطه وفزيت لن عيني بهواي.
تحياتي للجميع